Við hjá Víkingferðum erum snillingar í að græja skemmtilegar útskriftarferðir. Við höfum þróað skemmtipakka sem virka fyrir unglingahópa sem langar að skemmta sér saman í lok skólaársins. Skólaferðalag til Vestmannaeyja er frábær hugmynd.
Við tökum á móti hópum í dagsferðir og gistiferðir og eru skemmtipakkarnir okkar á mismunandi verðum svo allir ættu að getað fundið hentuga ferð.
Við leggjum áherslu á fræðslu í bland við fjörið og samveru í bland við sjálfstæði einstaklinganna sem eru á góðri leið með að verða fullorðin. Í gistiferðunum fá unglingarnir frjálsan tíma á milli skipulagðrar dagskrár og getað rannsakað eyjuna á eigin forsendum.
Við sjáum um að panta í Herjólf fyrir hópana okkar og tökum á móti öllum með bros á vör.
Göngurnar okkar yfir hraunið eru skemmtilegar og fullar af fróðleik, þegar hópurinn stendur í gamla virkinu á Skansinum fræðast þau um grimmd sjóræningjanna sem náðu sér í þræla í Vestmannaeyjum á 17.öld. Á göngunni yfir sjálft hraunið heyra þau bæði dramatískar og fyndnar sögur af fólkinu sem flúði heimili sín gosnóttina 1973 og fá innsýn í hvernig náttúruhamfarir getað tekið völdin yfir lífi fólks.
Gangan endar í safninu Eldheimum þar sem allir fá afhent leiðsögutæki og fara í gegnum safnið á sínum hraða. Hljóðin í gosinu snertir hjörtu þegar fólk gengur í gegnum safnið og gerir sér smátt og smátt grein fyrir afleiðingum gossins og hvers vegna sumir treystu sér ekki til að snúa aftur heim. Safnið var byggt upp í kringum heimili sem var grafið upp úr hrauninu og skoða má í miðju safnins.
Stutt rútuferð færir hópinn inn í dal þar sem þau sjá mannvirki Þjóðhátíðarinnar. Fyrsta Þjóðhátíðin var haldin árið 1874 í þessum sama dal og hefur hún breyst og þróast í gegnum aldirnar. Í dalnum má einnig sjá Herjólfsbæinn sem er eftirmynd híbýla fyrsta landsnámsmanns eyjanna. Keyrt er út í Stórhöfða þar sem er stoppað í hópmyndatöku, ef lundinn er sestur upp er kíkt í fuglaskoðunarhúsið sem þar er.
Sprang er þjóðaríþrótt eyjamanna en æfingastöðin okkar fyrir sprang er reipi í háum klettum, með misháum sillum, sem eyjapeyjar- og pæjur svefla sér örugg í. Að spranga er erfiðara en það sýnist en krökkunum býðst að spreyta sig undir leiðsögn vans sprangara.
Trike-e-bike eru rafmagnsþríhjól sem skemmtilegt er að þeysast um á bryggjunni. Hjólin eru með sæti og dekkin þrjú gera það að verkum að þau eru mjög stöðug. Hópnum er skipt upp í 12 einstaklinga hópa og skemmta krakkarnir sér saman þar sem þau keyra um á afmörkuðu svæði.
Ratleikurinn okkar sendir tvo eða fleiri hópa af stað í keppni þar sem þau skoða bæinn, taka myndir og fræðast svona í leiðinni. Hóparnir þurfa að vera skapandi til að ná sér í aukastig og vinna undir tímamörkum í viðleitni til að hámarka stigafjöldann og vinna leikinn. Verðlaun eru afhent áður en hóparnir stíga um borð í Herjólf.
Ribsafari er ferð á stórum ribbátum þar sem hækkað er vel í tónlistinni og hraðinn aukinn til að hámarka fjörið. Hópurinn gallar sig upp, setur á sig björgunarvesti og sest í hnakkana áður en þeyst er af stað með geggjuðum skipstjórum sem kunna að ná upp stemningu á ferð yfir öldurnar og með kitl í maganum.
Sundlaugin í Vestmannaeyjum er ein vinsælasta afþreying eyjanna. Heitir pottar, stór laug með stökkbretti og rennibrautir geta einfaldlega ekki klikkað. Í eyjum er fyrsta, og væntanlega eina, trampólínrennibraut landsins. Í trampólínrennibrautinni er áskorun að koma út úr rennunni og ná að standa á trampólíndúknum alla leið niður en fæstum tekst það! Áskorun sem vinahópar keppa ævinlega í.
Í Vestmannaeyjum eru frábærir veitingastaðir og höfum við safnað saman hópatilboðum sem henta unglingum og pöntum fyrir hópana sé þess óskað. Veitingastaðirnir eru afbragðsgóðir og flökkum við á milli staða í gistiferðunum.
Við leiðbeinum hópunum okkar með gistingu og erum með tilboð í vinsælustu skólaferðalagagistinguna sem hefur alltaf slegið í gegn hjá skólahópum.
