Að fara í kringum eyjuna í Ribsafari bát er ein besta skemmtun sem hægt er að fá. Hér blandast saman spenna, fróðleikur og músik. Mikilfengleg fjöllin fá að njóta sín og upplifir maður sig í mikilli nálægð við náttúruna. Fjölbreytt fuglalífið blæs lífi í björgin og fær eyjahjartað til að slá. Skemmtilegar sögur frá leiðsögumanninum gerir túrinn enn skemmtilegri og fræðandi. Þessi túr er tveir tímar og nær því að spanna allan hringin ef veður leyfir. Byrjað er því að sigla í átt að Smáeyjunum þar í kring. Farið er inn í Stafsnesvík og inn í hella sem eru á þessu svæði. Síðan er haldið áfram í átt að Álsey og eyjarnar þar nálægt eru heimsóttar. Náttúra Vestmannaeyja fær að njóta sín og eru allir markverðir staðir skoðaðir. Síðan er hringnum lokað með því að sigla heim í höfn meðfram nýjahrauninu.
