Dagsferð til Vestmannaeyja

Pakkaður dagur af öllu því besta sem eyjan hefur upp á að bjóða

Dagsferð til eyja er vel skipulögð ferð sem inniheldur skemmtilegt sambland af afþreyingu, fróðleik og skemmtilegum sögum. Dagurinn endar svo með góðum mat á einu af frábæru veitingahúsunum okkar.
Í boði
Apríl - Nov
Lengd
Dagsferð
Fjöldi í hóp
Lágmark 12 pers.

Ferð til Vestmannaeyja býður upp á einstaklega mikla möguleika í afþreyingu, fróðleik, skemmtun og góðum mat. Að eyða degi í Vestmannayjum er eitt af því sem skilur eftir góðar minningar. Náttúrufegurð eyjanna snertir við flestum og eru eyjarnar ríkar af sögu sem nær allt frá Landnámi til dagsins í dag.  Þessi ferð er vel skipulögð og er hlaðin öllu því besta sem eyjan hefur upp á að bjóða.  Lögð er áhersla á fróðleik í bland við skemmtilegar sögur svo innsýn fæst í lífið á eyjunni í dag og hvernig það hefur þróast í gegnum bæði góða og erfiða tíma.  Bátsferð er eitthvað sem fær eyjahjartað til að slá og frábært að sjá hrikalega náttúruna frá sjó.  Einn af kostum eyjanna er auk þess fjölbreytt matarmenning og gæði veitingahúsa og hefur hróður þeirra farið víða.

Þegar komið er til eyja byrjar ferðin á veitingastaðnum Tanganum þar sem hópurinn gæðir sér á súpum og ríkulegum salatbar með frábæru útsýni yfir höfnina og Heimaklett. Veitingastaðurinn er notalegur og býður upp á hughrif sem blanda gömlum og nýjum tímum saman.

Eftir mat er farið í vinsælu útsýnisferðina okkar með skemmtilegum leiðsögumanni sem segir skemmtisögur í bland við sögu eyjanna. Sprangan, Dalurinn, Stórhöfði og nýja-hraunið er skoðað. Við stoppum á nokkrum stöðum þar sem er gengið um á fallegustu stöðum Vestmannaeyja og frábært er að taka hópamyndir með einstökum bakrunni. Sögur sem gefa innsýn í hugarheim fólks gosnóttina 1973 í eyjum eru einstakar, að keyra um hraunið og reyna að gera sér í hugarlund hvernig það er að yfirgefa heimkynni sín í algjörri óvissu er sterk upplifun.

Næst tekur við bátsferð á Teistunni en hrikaleg náttúran í kringum eyjuna er stórbrotin séð frá sjó, bátsferðin er 1,5 klst þar sem leiðsögumaðurinn dælir út fróðleik sem eykur upplifun ferðarinnar. Að sjá eyjuna frá sjó eftir að hafa skoðað hana á landi er einstakt.

Eldheimar geyma minningar, myndir og hljóð Heimaeyjargossins og eftir að hafa hlustað á leiðsögumennina í ferðunum segja frá fólkinu sem bjó hérna eru Eldheimar næsti nauðsynlegi áfangastaður ferðarinnar. Fólk skoðar safnið á eigin hraða með sinn eigin leiðsögubúnað.

Oft er smá tími laus hérna til að kíkja í miðbæinn í eyjum, hægt er að kíkja í búðir eða fá sér einn kaldan drykk á Brother‘s Brewery eða Frúnni góðu vínbar áður en farið er út að borða. Við gefum hiklaust meðmæli ef þess er óskað þegar veitingastaður er valinn og pöntum fyrir hópinn. Við erum með hópaseðla frá veitingastöðunum og þekkjum vel til svo ákvörðunin ætti ekki að vera of erfið þegar valið er veitingahús.

Rútan kemur rétt fyrir kl.19 til að keyra hópinn í Herjólf en brottför er kl.19:30.

 

 

Innihald ferðar

10.45 Herjólfur leggur af stað frá Landeyjahöfn – Vera komin í Landeyjahöfn 30 mín. fyrir brottför
11:20 Móttaka á bryggjunni – Við fylgjum hópnum yfir á Tangann
11.30 Súpa og salat á Tanganum – Frábær veitingastaður, staðsettur við höfnina í eyjum. Gott að fara beint úr Herjólfi og fá sér hressingu áður en haldið er áfram með daginn
12:30 Útsýnisferð um eyjunna – Blandað er saman staðreyndum og skemmtilegum sögum. Farið er á alla vinsælustu staðina eins og Herjólfsdalinn, yfir nýja-hraunið og sagt frá því Heimaeyjargosinu
14:30 Bátsferð með Teistunni – Mæting um 30 mín fyrir brottför. Maður upplifir sanna eyjatilfinningu þegar fólk fer í bátsferð í kringum eyjuna. Fuglalíf og skemmtilegar sögur frá leiðsögumanni gerir siglinguna ógleymanlega
16.30 Eldheimar – safn sem segir frá Heimaeyjargosinu 1973
Frjáls tími – tilvalið að kíkja við á Brothers Brewery, Frúin góða vínbar eða einherja af okkar flottu fataverslunum
17:30 Kvöldmatur – Val um marga frábæra veitinga staði t.d Einsa Kalda, Slippinn eða Gott
19.00 mæting í Herjólf – Herjólfur fer 19.30

Innifalið

Herjólfur
Útsýnisferð um eyjuna
Teistan 1,5 klst bátsferð
Eldheimar

Ekki Innifalið

Matur á veitingastöðum
Drykkir á veitingastöðum

Gott að vita

Verðið miðast við að ferðin byrji í Landeyjahöfn. Hægt er að byrja ferðina hvar á landi sem er sé þess óskað. Hafið samband og fáið tilboð
Hægt er að sníða ferðina að þínum hóp allt eftir óskum og áhuga
Muna að koma vel skóaður og klædd eftir veðri
Fyrir minni hópa er ferðin farin á luxury Sprinter . Fyrir stærri hópa er farið á Scania rútu

Veljið dagsetningu


Samstarfsaðilar

VikingTours™ er fjölskyldu rekin ferðaskrifstofa með mikla reynslu og vitnesku um Vestmannaeyjar. Við bjóðum upp á mikið af úrvali af ferðum og er aðal merki okkar leiðsögn að hætti heimamanna. Leggjum áherslu á að tengja staðreyndir við skemmtilegar sögur af fólkinu í eyjum. Við bjóðum upp á margs konar upplifun frá sjó og landi, bíl, rútu og göngur. Látum mikilfenglega náttúru njóta sín og tengjum söguna og upplifun fólksins saman. Fjölbreytt fuglalíf, eldgosasaga er eitthvað sem hefur heillað mikið og einbeitum við okkur að því að hvort sem þú ert í hópi eða einstaklingar á ferð þá reynum við að uppfylla hinn fullkomna dag í eyjum. Sjáumst í sumar í eyjum.
VikingFerðir™ - VE travel ehf.
Heiðarvegi 59 - 900 Vestmannaeyjum
Tel. +354 488 4800
[email protected]
© Copyright 2020 - 2022 VikingFerðir™ VE travel ehf. - All Rights Reserved  - Friðhelgisstefna - Powered by Zix ehf.
check-circle-ouserscalendar-fullclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram