Við bjóðum upp á kayakferðir um hina mögnuðu Klettsvík í Vestmannaeyjum. Klettsvík varð heimsfræg þegar háhyrningurinn Keikó var fluttur þangað til að aðlagast aftur náttúrunni. Í Klettsvíkinni má finna Lunda og helstu sjófugla landsins. Til stendur að flytja tvo mjaldra (hvíta hvali) í Klettsvíkina til að frelsa þá úr laugum sem þeir hafast við í Kína. Ferðin hjá okkur hefst á Skansinum þar sem við siglum beint upp að Heimakletti sem er eitt fallegasta fjall eyjanna. Síðan er siglt með Klettinum inn í Klettsvík þar sem við skoðum fuglalífið og það sem náttúran býður okkur upp á. Þaðan er haldið í hinn magnaða Klettshelli. Að því loknu eru aftur siglt að Heimakletti og til baka á Skansinn. Þessi túr býður upp á góða hreyfingu í einstaklega fallegri náttúru.
