Komdu með í eins klukkustundar fjórhjólaferð um eldfjallasvæði Vestmannaeyja og upplifðu það einstaka útsýni sem eyjan og umhverfi hennar hefur uppá að bjóða.
Í ferðinni verður m.a farið á strandstað Pelagus slyssins og farið á staðinn þar sem Guðlaugur Friðþórsson náði landi eftir 5-6 km sund í svarta myrkri og köldum sjó eftir að Hellisey VE 503 fórst. Einnig verður farið um nýja-hraunið og inn í miðjan gíg Eldfells og meðfram ströndinni þar sem útsýnið er vægast sagt ótrúlegt.
Tilvalin ferð fyrir alla fjölskylduna um söguslóðir Vestmannaeyja á skemmtilegum fjórhjólum. Fjórhjólin eru sjálfskipt og auðveld í akstri og þarf því enga reynslu til að keyra þau. Öll fjórhjólin eru 2ja manna og þarf ökumaður að hafa meðferðis gilt ökuskirteini, farþegar aftan á fjórhjólunum þurfa að vera orðnir 6 ára.
Þessi ferð er undir stjórn leiðsögumanns þar sem þáttakendum stendur til boða að fá vatnsheldan galla, hanska og hjálm sem inniheldur búnað til að hlusta á sögur leiðsögumannsins þegar stoppað er á vel völdum sögulegum stöðum.
11.900 kr á mann ef 2 á hjóli
15.900 kr ef 1 á hjóli
6.900 kr fyrir börn (6 – 16 ára)
