Það hefur fylgt eyjunum að fara í bátsferð í aldanna tíð. Þróunin á bátunum hefur verið mikil, allt frá árabátunum upp í fínustu vélbáta. Floti eyjamanna í fiskveiðum hefur löngu verið þekktur. Að fara út á bát sér til skemmtunar er einstök upplifun. Hvort sem þú ert í stórum eða litlum bát þá heilla mikilfengleg fjöllin alla. En að þeytast um á Ribsafari bát er eitthvað sem enginn gleimir og er yfirleitt það sem stendur upp úr í ferð til eyja. Ribsafari nær að sameina skemmtilega fróðleik, sögum, músik og smá hraða, það er eitthvað extra sem þessi upplifun gefur manni, kannski smá adrenalínflæði. Þessi ferð gerir þér kleypt að fræðast og sjá einnig eyjuna frá landi og er farið á alla vinsælustu staðina, eins og Herjólfsdalinn, Stórhöfða, lundabyggðina og Nýja hraunið. Gossögunni er gerð góð skil sem er svo fullkomnuð með því að kíkja inn í Eldheima, safnið sem geymir allar minningarnar um gosið. Að sjá allar fallegu myndirnar ásamt þeim hrikalegu gerir þetta raunverulegt. Einsktaklega skemmtileg ferð sem skilur mikið eftir sig.